Si li piloti an o aeroplano? I statistikani operacia gejniba an o 2020 berš bizo pučiba baši etnikani thaj religiakoro identifikacia

I statistikani operacia gejniba an i Makedonia so ka implementirinel pe an o april 2020 berš . Planirinel pe te oven angažirime paše 5.000 anketaria an o 8 čhibja so ka kerel pe kombinirimi metodologia : informacie taro tereni, informacie taro registria, si notacie an taro brifing e žurnalistencar taro direktori e Themakere ofisoske baši statistika Apostol Simovski.
Ko propozalo taro Themakoro ofiso statistikake an i draft verzia e kanoneske bašo popis rodela pe ma te ovel pučiba bašo etnikano thaj religiakoro preperutnipa te šaj akaja statistikani operacia protektirinel pe tari politizacia , numa te ovel pučiba baši čhib , jali i čhib so kerel ope noramlno komunikacia an o kher thaj sar pli dajakiri čhib.

–I informacia bašo plo etnikano preperutnipa nane nisavo hairi numa salde šaj kerel deviacia an o politikane mangina odoleske sium an o propozalo kaj odova na trubul te ovel kotor tari akaja operacia , vakergja o Simovski.
E akana dela pe pučiba si li akava propozalo taro direktori Simovski jali si nesavi direktiva?

Si li akava mangin i R.Makedonia te ovel binacionalno them?
Odokhare si akava sar perda dikhibaske kote asavki forma statistikani operacia ka kerel pe filtracia salde albanikane thaj makedonikane dizutnenge. Kote si o aver nacionalitetia ? Majanglal odova si i Romani. Aso agorutni kerdi statistikani operacia kote sine grafa: Nacionalno preperutnipaNacionalno preperutnipa taro 202 berš , an i Makedonia sine 53.879 Roma jali 2,66% taro sa o numero.
Odova numero akana nane jekh sar so sine thaj pakjavutne isi odothe progresia. Numa aso dendi varianta siguritetea ka ovel minimizirimi.

Soske? Aso dendo modaliteto propozalo "te ovel pučiba e čhibjake, thaj i čhib so istemalkerel pe ko kher sar dajakiri čhib, a na nacionaliteto jalir eligiakoro preperutnipa. džanen li o fakti kote deceniencar napalal isi maškar o Roma kote notirinen pe prekal nacionaliteto sar Roma numa aso i čhib isi asimilacia pobuter taro jekvaš Roma but hari jali nisar na keren ili nadžanen i romani čhib sar pli dajakiri čhib. Ola keren lafi aso odova so si olenge ko trujalipa thaj agjaar funkcionirinen deceniecar.
Bukavlno olengiri sakodiveseskiri komunikacia si e čhibjaja aso o than kote so ola dživdinena thaj funkcionirinena.

Akala faktia si but pendžarde thaj si beršencar tema diskusiake. A olengoro numero nane tikn, numa si but baro so ola na istemalkeren i Romani čhib sar piri dajakiri čhib trujal so si deklaririme sar Roma.
Sar ka notirinen pe o Roma e čhibjake si keren konverzacia khere thaj sakodive a dživdinena an o: Ohrid, Struga, Kičevo, Tetovo, Gostivar, Debar, Bitola, Prilep, Kratovo, Palanka, Kavadarci, Veles, Negotino, Radoviš, Probištip, Berovo, Kočani, Štip, Krivolak, Sveti Nikole, Strumica, Valandovo, Dojran, Bogdanci, Gevgelia thaj aver dizja.

kote so nadžanena jali nisar na komunicirinen an i romani čhib, numa keren albanski, turkiakiri jali makedonikani.
Sar ka oven registririme ola te na sine pučle bašo nacionalno preperutnipa?
Pakjan akalea salde kerela pe jekh statistikano falsifikato . A akava na tromal te trainel pe. Trubul te kerel pe reakcie. Akana dela pe pučiba - Si li piloti an o aeroplani?

 

Pin It
FaLang translation system by Faboba

Mangava te vakerav

Momentalno Online

       Isi 121 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali