Mangav te phenav

Personalno dikhiba aso 8-to April: Amen na siem avera, amen siem sar savore!

Me sem ROM - KALE MUEA ko sasto mlo dživdipa
A o AVERA? ...

Kana biangjove - PINK
Kana si nasvale - ČAJRALE (GREEN - ZELENO)
Kana si šudro - MODRO (VNATO)
Kana si tato - LOLE
Kana si lošale-daravutne - ROŠ VNATO
Kana meren - OKER GALBENO

Thaj palo odova o AVERA ....mange vakeren: " Sar sian be KALEA?"

But e beršenge od DIVE- so si salde jekh dive..a trubul te ovel KONTINUITETO...

I Makedonia thaj o dizutne si sa majhor tele, o SDSM thaj o VMRO -DPMNE došakeren pe maškar peste sebepi i situacia

Dikhaja kaj an i amari them nane kontinuiteto an o progreso e situaciake bizi diferenca ko sa o umalja. Socialno nasiguriteto, bizi buti, imigarcia, kriso, anomalie an i edukacia, sastipa, ekonomia thaj aver negativno aktia. Ko agorutno vakti o VMRO - DPMNE frdel toksično strele e aktuelno legaripaske kaj ola si došale akanutne situaciake, a o SDSM sako drom kontririnela e VMRO -DPMNE kaj ola si došale. Agjaar džana bizo limiti.

Numa del pe o pučiba ko si čače došalo asavke situaciake an i them?
Lačhe manušalen, siem li amen o dizutne ko tumare jakha salde "bakhre muravibaske" Akale situaciake jekh javereja keren kaj si došale a tumen sien o čačutne.
Tumen majšukar džanena kaj an o "akava deredže" alem salde TUMENDAR o duj majbare politikane partie an i them!

Taro 1991 berš pa sa dži avdive ko legarel sine e thema? Pa salde TUMEN em tumare tikne partisko privezokia taro i nacionalno partie !

Hronološki te lipargjem Džiakanutne Presidentia thaj Premieria an i them sine Tumare uče moldime partisko persone . Presidentoa tumare partisko amblemea.
Kiro Gligorov - SDSM, Boris Trajkovski - VMRO DPMNE , Branko Crvenkovski - SDSM, Gjorgje Ivanov (napartisko numa amblemea taro VMRO -DPMNE )
Ko jekh liparibaske dži akanutne Premieria: Nikola Kljusev (napartisko - ekspertsko Govermento numa paše e VMRO -DPMNE ), Branko Crvenkovski duj mandatoa - SDSM, Ljubčo Georgievski - VMRO - DPMNE, Radmila Šekerinska duj tuiken mandatoa sar VD - SDSM, Hari Kostov (napartisko numa privezok taro SDSM ), Vlado Bučkovski SDSM, Nikola Gruevski 10 berša - VMRO -DPMNE, Emil Dimitriev - VMRO -DPMNE thaj o Zoran Zaev - SDSM

Thaj akana dikhindo odoba em akala anava si tumen muj o duj majbare politikane partie te šubikeren nekaste asavke situaciake an i them? Nane tumen majtikno morali thaj hoš kaj i them an o asavko deredže angen la tume rajonalen BARE POLITIČARIA salde tumendar taro SDSM em VMRO.
Ni jekh tumendar thaj tumare majtikne koaliciono nacionalno partie nane tumen nisavo eksluziviteti te keren kontra šubikeriba kaj jekh si bilačho a o aver si lačho!
Trubul jekh te džanen kaj sa o manuša an i Makedonia ule tumare igračke manipulacienge thaj eksperimentia!
Nane tumen ni alibi ni faktia ni argumentoa te vakeren anglal o manuša o narodo! Odoleske akala presidenteskere kampanje keren len salde dende lafea so bi keren tumen, bizi diskreditacia avere partiake . Soske sa tumen so kergjen dži akana sukcesiale e MAKEDONIAKE si kergjen la NAKAZA THAJ IRANGJEN LA NAPALAL E MAKEDONIA EM OLAKERE NACIA!
Numa majdošale akale situaciake siem korkoro amen o NARODO! Soske beršencar pakjaja tumende!
Isi jekh definicia so džala agjaar:
-Te hovavgjan man jekh piti - Te ladža!
Te hovavgjan man dujto puti - Te ladža
Ama te hovavgjan man em trinto puti tegane - ME TE LADŽAV!

 

RDS rezimirinela: Si li vakti Rom kandidato presidenteske te merinel pire "politikane muskulia"

Palo aniba decizia taro date bašo Alusariba Presidento e themake , partie thaj individualcia "vazdingje pire baja" te keren kandidatura akale poziciake.
O VMRO - DPMNE dengja pire kandidate a odova si profesorka Gordana Siljanovska Davkova. O SDSM panda nane le dendo anav thaj udžarela pe i decizia bašo "konsezualno kandidati", majpalune dataja dži ko 8 mart ka džanel pe.

Aver da politikane lideria thaj aspirantia počmingje te kheden 10.000 signature so trubun baši kandidatura.

Maškar olende avile thaj duj šajdutne anava tari Romani jekhin. Amdi Bajram presidento taro SRM thaj o Samka Ibraimovski taro PCER. Majpakjavutne o Samka "otkažingja pe" , numa o Amdi Bajram si nesar "uporno" ko ple idee. Počmingja te khedel signature.

Mašakr o Roma akale aktoa taro Amdia akana "phagena pe kašta"! Neko del le suporto thaj motivo te džal majodorig, a isi aver so si kontra, faktea kote sa o aver naRoma - gadže akava fakti ka len le sar ki hajgara, naseriozno akti .Trinto grupa Roma trainen thaj na "tangirinela len but" akava momenti.

O Romano Demokratsko Unia - RDS kamel te reziminirnel thaj dela pučiba: "Si li vakti Rom kandidato presidenteske te merinel pire "politikane muskulia"

Fakti si kaj o "politikane kontrarivalia" taro Amdia si decidno mujal akaja idea, thaj arakhena milja thaj jekh motivo soske si odova. Dikhibaja taro intelektualno thaj politikano kapaciteto akale političareske, oleskoro anglutno politikano CV thaj aktiviteto thaj keren diskreditacia upral sako oleskiri funda.

Numa o RDS ko jekh dikhibaja akala momentia kamel te vakerel panda jekh momento. Si li o Roma trujal o Amdi Bajram si len li aver desavo profili aiavea so šaj ovel "faktori" te šaj kandidirinel pe sar Presidento e themake?

Te kandidiringja pe da aver (a na o Amdi Bajram) . dali akaja "avantura" odole romane kandidateske ka ovel taro airi?. Si li amende e Romen percepcia dži kote si amaro limiti? Si li vakti (na akana, na ki avutni decenia em decenie) te merina amare "politikakere muskulia"?

Si li akaja them hazri panda te dikhel ki odoja forma kote trujal Makedonci jali Albanco šaj desavo trinto te ovel Presidenti e themake jali Presidento e Govermentoske.

Siem li amen o Roma svesno kote an i politika bizi diferenca taro amaro kapaciteto, kredibiliteto, politikano džanlipa, intelektualno superiorno thaj aver, numa an o aver jakha (ko Makedoncia thaj Albancia) politikane thaj an o aver segmentoa siam but "inferiorno".

Te šaj an o odola jakha te ova aver percepcijaja dikhle , trubul panda lungo vakti te kera "maripa" , te sikava amen, te organizirina aemn, te trampina desave amare purane maniria, thaj majanglal te kera maškar amende jekh " Intelektialno Evolucia", thaj palo odova te šaj kera "Intelektualno Revolucia". Kama jali na numa odova si realiteto! (R)Evolucia! Taro jekh an o aver stadiumi hulavel amen salde jekh importantno šabdi - R. Thaj manglem odova jali na - odoja šabdi si i avgo t taro anav amare naciake Roma!

Thaj palem i šabdi R - Rezonirinen!

RDS: „O Samka bašo Presidento? Vici e beršeskoro!"

I Romani Demokrtasko Unia- RDS bičhavgja bičhavgja piri percepcia an i konekcia ki informacia kaj ko avutne Presidenteskere alusariba an i Makedonia i partia PCER notiringja thaj sar piro kandidati bašo Presidento e themake! Ko starti o RDS kamel te akcentirinel kote saste respektea ko anav thaj o nakhlo kredibiliteto taro PCERM, akava si komentari aso o momentalno lideri o Samka Ibraimovski.

Kergja li kontrola o Samka Ibraimovski trujal akava šajdipa- opcia an i konekcia oleskere kandidaturake? Kerel li akalea o Ibraimovski sar prbno balono jali kamel te ovel interesno an o mediumia te na ovel bisterdo. Džanel li o Ibraimovski savo thaj kobor si oleskoro rejtingo maškar o manuša an i RM konektiribaja thaj e Romen tari Makedonia!

O RDS džanlipaja o kapacitetia thaj o rejtingo taro Samka thaj i hoš ko manuša bičhavel jekh amalikano mesažo - "Samka amala ov realno te rejtingoa ko manuša! Akava si Alusar bašo Presidento e themake, a na Presidento e khereskere konsiloske!

So bi vakerel o Zdravko Čolić ki jekh oleskiri gili ko refreni :„ Živiš u obalicima mala!„

 

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali