O Roma so sine thanjarde an o improvizirimo kampi taro UN palo mariba ko Kosovo vakeren kaj panda si nasvale sar konsekvenca tari toksikacia e olovea.
Kana resle o rezultatia taro analize an o rat e Džavit Hasani palo kerdo testiriba taro olovo, sine rezultatia kaj bešen ki toksikani teritoria ko kampi so sine čhivdo rigatar taro Unime Nacie palo mariba ko Kosovo.
"Amen odoleske havgam but opalo odova kote ko kampo kaj dživdina sine sine olovo , toksično panja, kana kergje i analiza sine vakerdo" O olovo si učekonscetraciaja taro elementia H thaj I. O instrumentia kontrolake na sine ko šajdipa te definirinen majučo nivelo koncetracia " vakerela o 36 beršengoro Haziri baši kerdi analiza angleder 12 berša.
O Haziri bešela ko gav Žitkovac utralao Kosovo, ko kampi so sine čhivdo rigatar taro UN palo kerdo egzodusi upral 8.000 Roma taro ple khera palo agor e maribaskere interveciake an i Srbia ko periodo 1998-99 berš.
Palo odova periodi i Misia taro UN ko Kosovo, o UNMIK lelja i kontrola tari akaj teritoria thaj reguliringe ola formalno sa dži ko fevruari 2008 berš kana o Kosovo havljargja biathinalipa.
O INMIK mukhlja nekobor improvizirime kampia ere Romenge. Pobut olendar sine ki phuv taro rudniko Trepča kote kerel pe sine bari eksplotacia e minarelenge taro olovo, cinko thaj aver taro odova tudniko ko 1980 berša ko odova periodo kana o bruto artiklirimo aktiviteti sine ¼ taro Kosovakoro artikliriba (BDP)
Nekobor aver kampia sine čhivde ki periferia e Mitrovicake kote sine uči koncetracia taro olovo.
O rudnikia ki Trepča sine phanle taro UN kana e franciakoro askeri registriringe uči koncetracia taro olovo ko rat. I organizacia notiringja: O nivelo toksiko ko atmosfersko panja ko juli 1999 berš sine 200 droma majbut upral o limiti dendo tari Lumiakiri sastipaskiri organizacia".
Ko 2000 berš o nivelo taro olovo kontaminacia an i vegetacia thaj egzamplia e phuvjake an i Mitrovica nakhla o standardi taro 176 thaj 122 droma majbuteder.
