Dive plao 50-to biando dive tari Gordana Krstić, reslja lake decizia kaj si čhudimi tari buti ki fabrika GEOX taro Vranje.
Olate nane la dilema, vakerel kote bašo sa si došali nesavi rajona Ticiana Džesoni, italiansko šefo an i fabrika.
Palo reslo dekreti kaj si paldimi tari buti, o aver bukajrne akana sa majbut darana bašo ple bukjarne thana. Ko pučiba džanen li o inspektoria akale momentenge kote kerel čhingar upral nacionalno funda i Gordana vakerela: " Buteder droma ko momentia kana isi la histeria, e bukjarnen anavkerel len sine sar Roma "Cigania" Vakerela sine kaj amen o Srblie siem Roma-Cigania, kaj siem deline thaj retardirime, thaj savore ka frdel amen an o drom sar gunoj".
Jekh bukjarni mangel sine te džal dži ko toaleto, numa oj na mukhlja la thaj vakergja kaj šaj odova te kerel le ko plo bukjarno than, thaj taro tajsa peja ki buti te lel pempasia sostenja."
O Marko Bazalio, direktori e fabrikake GEOX na dengja komentaria ko notiriba tari Gordana Krstić.
But bukjarne tari akaja fabrika rodingje protektiva bašo ple bukjarne niamia- hakoja thaj te kerel pe rodaripa.
Sa o notirime aplikacie thaj dži ki policia, a sine paše 15, keren buti an i diskrecia, ma te peraven o renome thaj rejtingo ekompaniake. Numa ko raportia tergjol kote ki kerdi kontrola ki fabrika nane notirime mobingo upral o bukjarne, numa isi klasično forma peraviba hakoa e bukjarneske.
