Bare themakere respektoa an i Ungaria dengja pe p phursako sar majbaro žurnalisti so si paše e premierea Viktor Orban, numa nesave kritizeria oleste dikhena sar rasisti , thaj sar jekh nišani protesto , taro deš phursarkerde angje decizia te iranen akala ordenia. O žurnalisti Zolt Baer sine jekh taro nekobor ungarsko bare persone so resle phursako ko Nacionalno Dive e Ungariake, sar Ordeni bašo butikeriba tari rig e presideneteske tari ungaria o Janoš Ader.
Prekal ungariakere mediumia javinate paše 44 anglutne phurarkerde so resle akala ordenia kote isi naučnikia, umetnikia thaj akademcia sar protesto mangen te iranen o ordenia.
O kolumnisti taro nacionalsitikano gazeta Magar Hirlabdejli, o Baer but droma sine fotografirime e Orbanea, thaj si ko fonder e civilno gripake so organizirinen sine masovno pro govermenteskere protestia ko droma an i Ungaria.
Ov akana ko sig vakti hramosargja an i konekcia taro 600.00 - 700.000 Roma an i Ungaria sar majbaro ungariakoro minjoriteti thaj olenge jramosargja len sar "animalia". Ov hramosargja thaj notesi mujal i majabri semistikani jekhin taro jaudie so si upreder 100.000 persone.
O šefi tari majbari jaudijakiri organizacia an i Ungaria o Mašiz Andraš Hajsler akcentiringja kaj ka iranel o ordeni so lelja le ko 2011 berš , soske na mangel te ovel ki odoja "grupa manuša" sar so si o Baer.
O šurnalisto si rasisti thaj antisemitsko kerel toksikacia e Ungariake ple antiromane aktia thaj nacionaliteto so peravel o idee" hramosargja o hajsler ko plo mesažo an o plo FB profilo ko palokurko.
Ko 2013 berš o gazeta Magar Hirlabdejli sine sankcionirime paše 250.000 forintia (1.000 amerikansko dolaria) tari riog e ungariakere mediumsko regulatoria palo editirime anti romane komentaria tari rig taro Baer.
"Ola na trubul te oven maškar o manuša. Pobut olendar si animalia, thaj legaren pe sar animalia." hramosarga o žurnalisti ko odova vakti.