O profesori bašo internacionalno jurisdikcia o Norman Paech notirinel ko plo dikhiba kaj o balkansko thema na palden e Romen direktno , numa kumulativno diskriminaciaja, kerel kvalifikacia taro paldiba.
Ov sar stručnjako kote but berša kerel buti thaj si le jekh ekspertiza an o 140 riga kote elabroririnel jekh pharo definisiriba paldiba. Ov notirinel kaj but phareste sar egzampli kana Rom rodel azili sar bašo jekh saati te vakerel plo problemi. ov notirinel kaj baš odova si o problemi kote o Roma kotar so pobut si analfabetia bizi edukacia odova našti te keren. Odoleske olenge valjani te lel pe advokatite šaj vakeren pli situacia. Ki Germania isi irami logika ko sikaviba faktia sar te sikavel kaj si diskriminirime.
Te kergja pe lafi bašo o Roma taro Balkani ola notirinen kaj našen taro čorolipa soske aven an i Germania. odoleske ola da anavkerde si sar "ekonomsko migranti". Premal o Germanicia isi milijarda manuša asavke an i lumia, o profesori Norman Paech notirinel kaj odova si čače numa o Roma si specifično. Na kerel pe lafi salde čorolipaske, numa odothe isi em diskriminacia kote nane šanse te arakhen buti jali plo kher. O procenti kote o Roma si bizi buti ko thema taro Balkani si majabro maškar i javer populacia taro thema taro Balkani. I buti si so i Germanija na valjani te rodel taro Roma kaj si diskriminirime, numa i Germania valjani te sikavel kaj o Roima taro Balkani nane čače diskriminirime.
