O Roma taro o romane mahale an i komuna Zemun akcentirinena kote pobuter taro 25% ko akharina e policiake te aven an i intervencia, ola na avena thaj nane bari patrola an i odoja teritoria m vakerena taro Romano centro e Romnjenge thaj čhavenge.
Akava si akcentirime thaj odoja situacia si agjaar an o mahale an o Zemun Polje - Kamendin, Zemun Polje- Divo Naselje, Vojni put Blok 1 thaj Blok 2 thaj avera.
Taro OBSE vakeren kaj majbaro kotor taro Roma odote ko odola mahale na hošinen pe siguritetno.
„An o mahale Vojni Put , paše 97 % taro anketirime akcentirinena kaj nane ni jekh than so si siguritetno olengere čhavenge te khelen peske" vakeren taro OBSE.
Paše 100% taro Roma nadžanena kaj si komunakoro Konsilo arakhibaske.
Ko jekh si akcentirime kaj baro problemi si o thana da kote kheden pe bare grupe so piena alkohol thaj lena droga , a 37% vakerena kaj odothe isi em persone so si agresivno e manušencar so nakhena odothare taro odola thana.
Ko jekh si notirime kaj ko odola mahale isi but bari institucionalno diskriminacia odoleske so nadžanena but o specifikano dživdipša thaj i kultura e Romane jekhinake odothare.
