I familia Reiman si jekh taro majbaravel germansko biznis familie , ko vakti taro nacional socializmi saste dena sine suporto e naciston thaj lena sine logorašen te keren buti an o olengere kompanie , havljarena o "Bild am Sontag"
Palo havljariba akala informacie o akanutne generacie akale familiake vakergje kaj ladžana thaj havljargje kaj ka den humanitarno 10 milionia eura ko humanitarno akcie.
Ko jekh o "Bild am Sontag" havljargja dokumento so arakhlja ole kaj o dat em o čhavo Albert Rajner - junior lena sine rusko civilia thaj francusko maribaskere phanel te keren butu zorea.
O portparoli e familiake , Peter Harf so si ko jekh thaj ko čekat e Holding - kompaniake Rajman JAB vakerel kaj o akcentirimo momenti tari gazeta "Sontag" si čačutne.
Ov vakergja kaj i familia nikana na kerel sine diskusia taro nacistikano periodo , numa o faktia sikaven kaj o dat thaj o čhavo so mule an o 1954 thaj 1984 berš , trubul sine te oven phanle.
O barvalipa akale familiake kote isi len nekobor majpendžarde lumiakere brendia sar so si "Jacobs", "Cakgin" thaj "Wella" em avera si paše 33 milijarde eura.
