I Romani populacia si jekh taro majbare thaj aso akan sig kerdo rodaripa jekh taro mateleperavde thaj stereotipno minjoritetoa an i moderno Evropa. Ko agorutne decenie . o naučnikoa majbut istemalkeren sine i terminologia "anti - ciganizmo" sar generično terminologia buvle spektarea taro negativno hoš, stereotipia thaj diskriminatorikani praktika mujal o Roma . Manginaja te eliminirinen pe i negativno konotacia konektirime e anavea "Cigani" nesave autoria istemalkeren o termini "Romofobia" negativno efektoa kana si konektirime e Romencar.
I Romofobia si majbut rasistikano fenomeni , akceptiribaja o singlia taro kulturakoro rasizmo thaj dehumanizacia. Sar an o aver da forme taro moderno rasizmi i Romofobia si artiklirime tari socio -ekonomikani konkurencia thaj majbut manifestirinela pe prekal i opozicia taro pozitivno efektoa e minjoritetonge. Akaleske šaj te fakturirina kaj i Romaphobia si konektirimi (perceprimi) daravin bašo lačhipe jekhe grupake jali olakere membroa. Numa okova so kerel akaja forma tari diskriminacia nane sako drom uži konkurencia te limitirinel o materialno thaj namaterialno resursia.
O respektirime kriteriumoa legaren pe sar simbolikani daravin e Romane kulturake, so dikhen la sar potencialno daravin e moldipaske, o morali thaj i pakjiv an i grupa. An i odoja konotacia o negativno stereotipoa an i konekcia e bukjarne etikake taro Roma, kaj si khanduvale, nabukjarne, kriminalno kapacitetoa so si šerutne sikavina baši diskriminacia thaj natolerancia mujal o Roma.
Trujal sa o negativno stereotipia keren atmosfera kote o manuša daran kaj o Roma šaj te kontaminirinen i nacionalno kultura thaj sikavel daravin olengere fizičko thaj materialno barvalipaske. Akava anela amen dži ko aver relevnatno indikatori baši Romofobia, so si maškar grupakoro anksiozititeto.
