Jekh Amerikanco sar visitori ko purano konc logori Aušvic . Birkenau manglja te čorel metlano kotor tari historisko treneskiri priga kote e phanlen legargje , vakergjka oficialno persona an o kurko so nakhlja.
37-neršengoro manuš si šubikerdo kaj manglja te čorel eksponato taro kulturakoro importantno artefakti aso i Malgožata Jurečka, portparolka an i policia tari polsko diz Osviecim so sine telala germansko okupacia ko vakti taro Dujto lumiakoro mariba .
Akava došperavibaskoro akti šaj te del dži ko 10 berš phanlipa.
I Jurečka vakergja kaj o manuš vakergja kaj manglja te čorel thaj si došalo, numa sine mukhlo kana udžarel sine aver aktia.
O Pavel Sovicki portparoli e themakere muzeoske Aušvic -Birkenau , vakergja kaj o siguritetno kamere taro akava muzei dikhle kaj o manuš kerel sine zori te lel metalno kotor tari akaja pruga thaj notiringje - alarmiringje ko momenti e policia.
