I Čehia panda kerel diskriminacia upral o Roma ko pobuter thana a ko agorutno vakti odova keren thaj o politikane lideria tari them.
Akava ikljol taro Raporto HAVLJARDO TARO Stejt Departemnti bašo individialno konekcia taro thema premal o manušikane niamia bašo 2014 berš.
Asavki kritika tari amerikairi diplomatia kana si ko pučipa o Roma si bičhavdi thaj e Slovakiake. Ano raporti taro NGO sektori tergjol kaj ko 2014 berš barili i retorika mujal o Roma konekciaja taro političaria, deputatia, senatoria thaj lokalno političaria.
O Roma paše 1/3 olendar dživdinen an o geto. Prekal o raporto i diskriminacia si majbari an i edukacia kote ko procesi e romane čhavenge so džan an o specialno škole si naekvivalentno e numeroja čhave taro javer entitetia. I Roma arakhen pe phare momentesa thaj ko sakodiveseskoro dživdipa, sar egzampli nane len paše avipa dži ko bankarsko konto, thaj lokhe istemalkeren pe tari rig e kompanienge kana den olen kreditia.
Problemi isi thaj ko mediumia kote na ekvivalentno den informacie bašo kriminalno aktia kana keren o Roma, a asavke aktia kana keren aver na informirinen odokhar.
Trujal o čhave an i edukacia e slovakiakoro sasoitnipa diskriminirinel e dajen ko desave hospitalia an i Slovakia, kote sar egzampli na mukhel e romane dajen te istemalkeren baraubutno toaletia thaj tuš kabine an o hospitalia
