O Video kote o Hari Kejn thaj I Stef Hoton ka ovel sikavdo akava vikendi ko mečia taro FA kupi ki Anglia.
O bare fudbalsko anava em o menadžeria len than ko video ka ovel sikavdo ko mečia taro štarto kolo ko FA kupi tari Anglija akava vikendi, kote akharena o manuša te ačhoven mujal I natolerancia em diskriminacia.
U duj miniutengoro video kote so ka notirinen pe o Dive taro Holokausto ko 27 januari , ka ikljol o Hari Kejn , kapiteni tari muršani fudbalsko representacia ki Anglia, em I Stef Houton, kapiteni e džuvljane fudbalsko reprezenaciake tari Anglia , o Frank Lampard menadžeri taro Čelzi, o Jurgen Klop meadžeri taro Liverpul em o specialno prezenteri ko akala mečia o Geri Lineker, em panda aver biš džene.
Ko olengere muja si čhinde ki slika taro Holokausto, soske dena bikompromisno mesažo bičhavde dži ko fudbaleskere fania em aver so na resent e ikaven o rasizmo em diskriminacia.