Bilačhi intergacia e Romengiri nane specifično salde an o thema tari Utar Purabali Europa . Olende bilačho tretmani isi thaj an o aver kotor tari Europa.
O Roma kaj arakhen pe diskriminaciaja thaj an i Germania , zojrakerel o Robert Franc membro ani politikani Partia Grune thaj prezidenti an i organizacia " Iniciativa baši edukacia thaj kultura e Romengiri".
Ov angleder jekh berš sine jekh masek an i Srbia thaj Bugaria kergja lafi e dženencar taro romano NGO sektori thaj Roma manušakote alo dži i konkluzia kaj e Romen esktremno diskriminirinen ko akala duj thema. Numa vakerel kaj o Roma so aven taro odova kotor e Europakoro an i Germaniaarakhen pe nahumano šartencar dživdipaske.
"Kriminalno strukture so dena hovavne lafia e Romenge kaj an i Germania udžarel olen lačhi perspektiva, palo odova len olendar o pasportia. Odoleske odola manuša dživdinen ko but phare šartia thanjarde ko tikne sobe po 10 thaj pobut džene kote soven sine ko madracia. Prekal o informacie taro Robert Franc bizi diferenca aven odola Roma tari Srbia, Bugaria, Makedonia jali aver them, numa thaj an i Germania tretirinen pe bilačhe šartencar bašo jekh manuš.
Konkluzia si kaj prekal socialno statusi o korkoro Roma nane an o šajdipa te keren majbut an i edukacia,, kultura thaj socializacia. Odole integraciake trubul majbari thaj majhumano akcia thaj tretmani taro sa o thema konektiribaja thaj i Germania.
