Te sien sine mediumsko persona, žurnalisti, legarutno thaj aver thaj te notiringjan kaj perel tuke o rejtingo ki publika perel tegani "khuv" thaj khel tut e Romencar, Albanconcar, Bošnjakoncar thaj aver minjoritetia. Kerdo recepti sebepi stereotipia sako drom funkcionirinel. Normalno i publika odova mangela thaj asala.
Asavko tipi vazdipa o rejtingo kerel o srpsko legarutno Ivan Ivanović thaj oleskoro Talk Show so sikavel pe ki srpsko Prva TV. Džanen le kaj kerel but kontravezno vicia bašo silujme Bosanke, trapšavo Albancia jali čorole Roma.
Ki jekh emisia kote sine diskusia baši inkluzia e Romenge an i Srbia thaj ki vakerdo lafi:O nakhtari baši inkluzia e Romenge an i Srbia si i edukacia" o Ivanović komentiringja an o stili: " O Roma na mangen nakhtar, ola mangen kapakia taro šahte" aludiribaja kaj o Roma kheden sastrna.
Ko jekh o Ivanović liparel prekal provokacia vakerdo bašo silujme Bosanke ko thavdipa taro 1995 berš ov vakergja:" Ko odova periodi o Plavo šlemia taro UN an i Bosna sine lenge dopsadno thaj na sine len aver buti odoleske ..."
Ko jekh liparel pe oleskiri provokativno vakerin kaj ko vakti tari Al Kaedaka aktivirinwl atomsko bomba ki nesavi them taro EU, o Ivanović sarkastično dophergja:" Neka adžikeren hari i Hrvatska te khuvel ko EU, a palo odova neka odlučinen kote ka aktivirinen"
O Ivanović svesno konsekvencenge numa džal majodorigh ko plo stili spske i publika " rodela olestar" asavko stili.
