Ki romani mahala an o Mladenovac, si pendžardo e anavea Tesla. O Saša Simić akava anav dendo si oleske sebepi leskiri profesia kote 30 berša kerel buti elektrikaja. Na sine katodno TV so ov na džangja te reperairinel ole. Palo odova ulče sastipaskere probelmia iloja thaj distrofija e muskulenge. "Našti sine te kerav pobut reperacia e televizienge, numa perena sine mandar" vakerel akava 45 beršengoro rom. Taro srpsko institucie isi le lil kaj našti kerela buti . O boirči premal na pukjime fakture elektrikake thaj komunalie si upredel jekh milionia dinaria, kote kamen te keren lista baši konfiksacia e khereske thaj aver bukja so si le. Numa e Simič majbari gajlja si oleske jekh lafi thaj štembilo so sile an o pasporto: abgeschoben – deportirimo.
I decizia n ko Ofiso bašo migrantia phaglja sa oleskere plania. Ov tari Germania valjani sine te džal peske panda ko anglonilai persi berš. Ov na gelo peske , a fakti si kote sine le urgentno operacia e iloske thaj ačhilo panda nekobor masekoja ki Germania. Ko oktomvri masek persi berš agorkergja sa. Ko pandž o saati javinate i policia khuvgja lenge ko udar ko kampo kote sine ov . "I romni sikavgja olenge o atesti taro duj doktoria so sine man kote si ma hronično problemia e iloja thaj na tromav te džav ko drumo, thaj mo dživdipa si an o riziko te kergje mange deportacia, soske ki Srbia nane man adekvatno terapia"I policia salde vakergja " Khede te šeja"
Oleskoro 17 beršengoro čhavo valjani sine dopherde te agorkerel pli škola. E terne nane le mangin akana te educirinel pe ki pli diz. "Ki Germania sine sa lačhe, o manuša odori sine lačhe", vakerela ki germansko čhib. Ka džav palem, te arakhel buti thaj te dživdinel. O dat da kamel te džal palem ki Germania pe familiaja. " Na mukhen man te kerav operacia. Akana si ma štembilo an o pasporto, thaj našti legalno nakhav, numa ka valjani e Sirijconcar te nakhav ilegalno. Numa odova drumo si mange phare - ola džana peški, prekal o veša thaj aver čhane"
Pobut an o linko : http://www.dw.com/sr/tesla-je-deportovan-iz-nema%C4%8Dke/a-18825347
