Dži ko agora kale masekoske , o rezidentnoo hotelo so si an o drom Riegrova an o Olomouc, Čehia ka phanljol kote angleder sine kher bašo ppaše 135 manuđa, majbut olendar Roma, kote kotor lender odori dživdinen deceniencar. O gazda e objekteskro planirinela te kerel rekonstrukcia em te kerel le sar komercialno objekto.
I diz notirinela kaj kerel kolaboracia e NVO sektorea thaj avere rezidentno hotelencar te paj del suporto e personenge so trubul te oven akomodime odothe. Numa nekobor džene so trubul te oven dislocirime odothare vakerena kaj I diz na kerel but angažmani akale situaciake.
O rezidentn hotelo so si an I historikani lokacia taro Olomouc lungo vakti sine faktori kote taro avera dizutne resena sine reakcie kaj o manuša so dživdinena odothe keren bare problemoa. Ola notirinen kaj odola manuša marena pe, keren konfliktoa, frdena gunoja ko paše objektia.
Premal manuša so dživdinena sine ko odova hotelo vakerena kaj I diz na kerel but angažmani te šaj faisalkerel akaja situacia. “ Ola kamen o hoteli akana te phanen le em te mukhen e manušen em e čhaven te ačhon pe droma. Soske I diz na organizirinela khanči amenge so siam akate sasto amaro dživdipa?“ pučela I Nataša Gabrova, romni so dživdinela odothe ko dendo intervju e radiodifuzereske Čehiakoro radio, kote majpakjavutne ka džač špire čhavea te dživdinel ko Brno, so si 80 kilometria majdur ko diferentno administrativno region.
