Romengro protest an I Gračanica sebepi I brutalnost tari kosovakiri policia mujal jekh Rom, thaj rodena globa e policajconge

Nekobor šel Roma protestiringje anglal policiakoro stasioni an I Gračanica , sebepi sar so vakeren, o kerdo brutaliteto taro kosovakiri policia upral o Burhan Ibrahimovič , notirinela o portalo taro RTS.

O Roma an o akava protesto rodena  taro policijakoro inspektorati  čačutno rodaripa  thaj globa e grupa policajconge sar so vakeren istemalkergje fizičko tortura thaj brutalno margje e Ibrahimovič., kote ko maškar vakti resle leske em nekobor akharina te avel ko policiakoro stasioni em te del piri notacia.

I grupa Roma so kergje protresto legaren sine transparentoa kote hramosarela sine „Stop bašo brutaliteto”,„Jurisdikcia akana“, „Amen na siem tumari vrekja maripaske“, „Stop bašo terori”.

O Afrim Salihi, paše familia e marde Romeske  vakerel kaj o Ibrahimovič sine ando an o pliciakor stasioni pali hjekh čhingar  manušea tari Gračanica. Ov vakerel kaj sebepi so sine globime, o Ibrahimvič vakergja kaj ka kerel kriseskoro akti mujal olende  thaj lelja advokati. Palo oidova ov sine mardo tar nekobor policajcoa ko policiakoro stasioni.

O Ibrahimovič tari Gračanica barilo ki Germania , a akana palem dćivdinela ko pir bijando than.  “Oven saste savre so avilen. Dživdinaja ki demokratia , numa isi but manuša sp silen asavke problema em nane lenge mukhlo te vakeren. Ko starti me da darava sine em na tromav sine te vakerav akava akti, numa akana mangav te notirinav akava akti angl sarinende.  Vakergja oo Ibrahimovič anglal o protestantoa anglal e policiakoro stasioni.

O Dritan Beriša jekh taro o organizatoria akale protestske vakergja kaj akava protesto  nane salde mujal akava brutaliteto so sine ko 19 avgusti an o policiakoro stasioni an I Gračanica, numa si protesto bašo kerdo brutaliteto upral  Roma  so isi ko avera da thana an o Kosovo thaj Metohia.

O protesto anglal e policiakr stasioni an I Gračanica kntrolirinen le sine pliciakere manuša k uniforme thaj ko civili, ama o žurnalistoa sine bičhavde em ko policiakoro ofis an I Priština.

Ko agor akale protestoske  o protestantia mukhle pire hramosarde parole em transparento ko basamaka anglal o stasioni thaj tromale gele peske.

Link - video: https://www.rts.rs/vesti/politika/5263470/protest-roma-u-gracanici-zbog-torture-policije-prema-njihovom-sunarodniku.html

 

 

Pin It
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 159 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali