Enjadžennengiri familia arakhle kher te kinen ko gav Hlebine ko utar tari Kroacia. Sine salde jekh problemi a odova si so si ola Roma.
Ko masek avgust o gavutne taro Hlebine vakergje kaj ka keren protesto anglal kher tar dizjakro šerutno tari komuna, Novigrad Pdravski, gindibaja kaj ov vakergja te ikljon tari leskiri komuna te džan ko Hlebine.
O gazda taro odova nevo kher pe familijaja gele ko dizjakoro šerutnoo vakeribaja kaj ka čhinavel o kntrakto bikinibaske kher. Sare sine bahtale salde o Roma na.
Asavke situacie nane avg drom ko Megjumurije , regioni kote dživdinel majbaro numero taro Roma ki Kroacia.
Anglutne ko masek avgust kana I len Drava iklili taro bare panja , nekobor familie Rma kergje evakuacia , a kana irangje pe ko ple khera dikhle kaj si zijankerde. Ama na tar bare panja. I plicia ka kerel rodaripa ko kergja odova. Daraja kaj ka ovel jekh a jekh scenario sar angleder 4 berša kana jekh terno Romano pari kingje kher, a neko ko duvar taro kher hramongja “Na mangaja Romen”. Olengiri štala sine thardi.
Akava si o realiteti e romane jekhinake ki Kroacia, situacia so si notirime kj raporto taro Unime Nacie editirime ko agor tar avgust so notiringja em I situacia e Srbliencar.
O duj minjoritetia si stigmatizirime em olengere niamia ki edukacia em bukjarnipa si randimo, vakerena odothe. O Roma si ko jekh getoizirime.
O Komiteto taro UN baši eliminacia tari rasna diskriminacia akhargja e Kroacia te akceptirinel “ekstra aktia valjani eliminacia e strukturne diskriminaciake so akceptirinel e Romane jekhina em te eliminirinen sa o bariere so namukhela pe te akceptirinen olengere niamia taro ekonmikano, socialno thaj kulturakere niamia”.
Prekal I Natalia Havelka , izvršno direktori ko Centro baš mir , naterori thaj manušikane niamia ofisea ko Osiek, so dengja suporto ko raporti taro UN, 92,3 procentoa taro o Roma an I Kroacia si klasifikacia sar čorole, a 70 procentoa tar ronmane familie dživdinena ko ekstremno čorolipa.
„I them si brčlia te kerel pire savalre te šaj kerel protektiva pire dizutnenge , individue thaj grupe “, vakergja I Havelka bašo BIRN.
