Ko starti taro masek oktobro akava berš keren pe 111 berš tari pendžarutno maripa sar Kumanovsko maripa. Importantno momenti ko akava historikano maripa mujal o khorane osmanlie dengja o romano trubači, askeri o Amet Ametovič , Rom taro Leskovac, so hohavgja e aver askere so maren pe sine mujal o Srpsko askeri bašavipaja signali bašo te iranen pe thaj signali bašo atak e srpsko askereske. Akaleske o thagar e Srbiakro o Petar I Karagjordževič dengja le majučo medali . Numa o historičaria so palo odova hramosaren sine detalia akale maripaske kergje baro feleri: kaj odova sine o Ahmed Ahmedovič, a na sar so trubul o - Amet Ametovič. Oleskere unukia avdive, maškar lende em o Vladimir- Vlada Amzič uredniko ko romano ofiso kulturake an o Leskovac , vakerel kaj akava feleri trubul te koregirinel pe em valjani barem jekh drom ko Leskovac trubul te legarel leskoro anav. Ola ki diskusia olencar vakergje kaj o Leskovčania sar em o nišlie šaj vazden spomeniko akaleske thaj avere romane muzičarenge em te formirinen ternengoro muzikakoro festivali an o Leskovac.
