E Europakoro kriso manušikane niamenge angja kriseskiri decizia mujal Utarali Makedonia so kergja rasno profiliriba e Romenge ko simantre, a I decizia si baš pandž aplikantoa taro romano etnikan preperutnipa , akceptirime taro Europakoro centro ko niamia e Romenge ERRC ko Brisle thaj privat advokatia so keren buti ko Makedonikani asociacia terne pravnikonge MZMP.
Taro ERRC vakerena kaj ko 24 oktobro o Kriso akceptiringja diskriminacia ko štar taro pandž džene Roma – aplikantoa thaj teleperaviba olenge tromale phiribaske , dopheribaja kaj o Krisi dengja decizia kaj I them ko rook taro trin masekoa pali andi kriseskiri decizia te pukjinel sar kompenzacia ko diferentno sume upral I funda sar namaterijalno zijani, ko legaripa taro 13.000 eura. Taro ERRC vakeren kaj akaja andi decizia taro aplikantoa so sine viktimia taro rasno rofiliriba ko simantarkeren nakhiba ko 2014 berš. E kriseskoro akti barabutne e suportoa taro ERRC thaj MZMP sine dende em anglal o makedonikane krisoa
