Ki pli rasistikani formulacia, e slovakiakoro premieri Robert Fico, palem akcentirigja e Romen a ov notiringja pe sar viktimi, vakeribaja kaj ola na kamen te keren buti. Akaja leskiri notacia sikavela salde politikano primitivizmi so kerel te šaj garavel piri politikani indolemcia.
Numa o Romane deputatoa ko slovakiakoro nacionalno parlamenti reagiringje bu sigate , sikavibaja kaj nane te toleririnen asavko vokabulari, O deputati Irena Bihariova kritikujnel sine e Fico kaj kerel atako upral o majteleperavde te šsj kurtalirinel piro kredibiliteti thaj notiringja I ironia so oleskere kolege si pukjime trujal so na avena ko Parlamenti.
O deputati Ingrid Kosova notiringja o komentari taro Fico sar demonnstracia taro institucionalno rasizmi.
O deputati Peter Polak kontriringja taro notacie taro Fico baši bukjakiri etika e Romengiri, vakeribaja kaj o Roma si motivirime te keren buti thaj rodena šajdipa , a na gratis, thaj vakergja kaj trubul te anel pe agor ki diskriminacia tari rig e gazdengiri ko odola kompanie em firme.
