O Živorad Saitović taro Prokuplje, vakerel kote sebepi i politika, sine atakujme tepnencar an o vogji taro policiakoro inspektori o D.Ž. taro Prokuplje. Tari policia na komentirinen akava incidenti.
Sar so vakerel o Saitović , ko kurko paše ko 10 o saati kana legarel sine phure thaj nasvale manušen Roma tari romani mahala Mala Guba, vordonea reslja o D.Ž thaj javer trin terne manupa thaj iklile taro vorda.
-Počmingja te akošel man thaj anglal o manuša vakerel sine kote leljum love taro SPS te legarav len ko alusaribaskere thana thaj te den pe hangia. Na kergjum reakcia, numa ov alo uzal mande em palem počmingja te akošel, me irangjum leske thaj teganik khuvgja man preja ko vogji anglal o manuša. Kana vakergjum kaj ka informirina akava sa an i policia ov izviningja pe mange, numa me geljum thaj prijavingjum e inspektore - vakergja o Saitović.
An i policia ko Prokuplje nane nisavi vaktavin akale incidenteske.
Link: http://prokupljenadlanu.rs/hronika/inspektor-udario-gradjanina-612.htm
