Sar so akcentirinela pe i Europakiri Platforma bašo tromalipa (EUROPEAN LIBERTIES PLATFORM), upreder 40 manuša, konektiribaja džuvlja thaj čhave tari Romani jekhin sine marde tari roig e lokalno policiake ko nakhle berša thaj o civilno sasoitnipa rodel akala incidentia detalno te kerel pe rodaripa.
I romani jekhin tari diz Racoš dživdinen taro odova so khedena bobinke tari paše veš , thaj ko paše farme keren buti kote khedena i phus, thaj randen o kompiria - alu.
O Roma vakerena kote si len kerdo kontrato e lokalno manušea so arakhela i veš, te šaj lena o kašta so si tele an i phuv, numa akana avena peske khere, olende i policia globinela olen thaj marela.
O membria taro APADOR-CH (Asociacia baši protektiva e manušikane niamenge an i Romania - Helsinško Komiteto ) kergje lafi individuencar ko vakti tari olengiri vizita e dizjake Raciš. O persone vakergje kote i policia marela e Romen bizi karana thaj konekcia kaj keren nalegalno buti thaj aktivitetia.
Ola akcentirinena kote jekhutne maltretirinen salde e Romen tari rig e policake, dži kote o aver etnikumia (Romancia thaj Ungarcia) na.
I percepcia si kote paše 40 Roma si viktimia taro mariba so si ko agorutne 5 berša.
