Sar o aver dikhena ko Romane biava: Biav so si 5 divesa

O romano biav si 5 divesa thaj o anglutno mangljariba e bojrake so si pendžardo sar "nišani". tegani den pe o angrustika e džamutreskiri familia e bojra den la garderoba, menie thaj aver. O biav standardno startujnel ko trintodi kana džana ko hamami. Odote džan i majpaše džuvljani familia thaj amalinja.

Odova dive lačharel pe i avlin. O štartodi ki bori nakhaven o dive o majpaše džuvlja amalinja thaj i sasuj soske ko rakjakere divesa čhivela pe i kna. Odoja rat i sasuj anel i garderoba e bojrake so ka uravel bašo biav.

 

Ko dive e biaveske sar savato e bojar uravel pe ko šalvare, elekia, pempezari thaj kerel pe parti muzikaja e paše familiaja thaj kheliba, kote palo odova džala pe ko restoranti thaj kerel pe o biave e bojrake thaj olakiri paše familia.

O aver dive - kurko avel pe pali bori te len ola thaj te keren o biav e džamutreske. Akate prekal i tradicia thaj aedtia kana aven te len e bojra o duj familie arakhena pe ko drumi. Jekh rig e bojrakiri isi len "šastra" te na mukhen e džamutreskere familai, a i javer rig anela hajbe pijbaja thaj te šaj kinel e bojra.

Palo o bijav e džamutreskoro javinate len e džamutre ko "jare" so avela odothe pe terne amalencar thahj paše familiaj, a rakjate kerel pe o džumaluko.

 

Pin It
FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali