O Roma aven tari indisko kasta "naastarde", zojrakerena i genetsko studia so kergje la indisko thaj estonsko naučnikia. Ko rodaripa so lelja than o profesori dr Tomas Kivisild taro Univerziteti Kembridž, sikavel kaj o Roma an i Europa ale tari India angleder 1400 berša.
Ko pervazia e studiake so o rezultatia havljarde si an o magazini " Nejčer" o analizirime Y hromozomia tari DNK analiza so kerde si paralela e genetsko signaturaja taro europakere Roma thaj milja Indijcia taro sa o riga e Indiake.
O naučnikia taro Centari e kelisko thaj molekularno biologia an o Hajderabad thaj olengere kolegia tari Estonia thaj Švajcaria kergje paralela e upreder 10.000 genetskop egzamplia tari diferentno 214 etnikane grupe an i India.
I mangin sine te zojrakerel pe utarazisko tipi taro Y hromozomia majpendžarde sar "halogrupa H1a1a-M82”, so si ko muršano jeripa, si jekh a jekh sar o genetsko egzamplia taro Roma so si muršano jeri an i Europa. I komparacia si kerdi upral o testia e muršane jeripaja an i India kote majbaro kotor sine muršano jeri tari utarpaščimali India kote si notirime majtikne genetsko duraripa.
Kerel pe lafi kote majbut sine preperutne tari kasta "dalita" thaj "naastarde" so generaciencar diskriminirime thaj keren sine majphare thaj majbilačhe pukjime bukja.
Pakjala pe kote odoleske chidinge te ropden majlačho dživdipa kote mukhle baro nišani an i europakiri kultura.
O naučnikia pakjana kaj o anglutne parapaia taro Roma an i Europa masovno gele ko paščim. Ko starti te šaj iranen o statusi majuči kasta maren pe sine ko maripa an i teritoria taro avdisutno Pendžab maškar 1001 thaj 1026 berš. Palo preperipa taro hindu thagaripa našle taro avdisutno Pakistan.
O egzodusi an i Utarali Afrika akcentirinel pe kaj i konkluzia anel dži ki konstatacia kaj o parapapia e europakere Romenge sine avgo migrantia so našle taro buvljaripa e Islameske ko indiakiri teritoria.
O Roma taro savakti pakjana kaj olengere darhie si tari India a prekal o lafia taro dr Tomas Kivislilda o majnevo rodaripa arakhlja faktia so kergje o procesi taro egzodusi thaj dromaripa.
Link : http://www.dw.com/bs/genetski-dokazano-romi-na-balkan-do%C5%A1li-iz-indije/a-16443926
