E romenge vakerel pe kaj si majbut, naafirmativno narodo, so mangen devlenge, čorele, čora, muzikantia thaj aver. Numa o gadže but hari kaj isi pendžarde Roma so si artistoja, naučnikoja, prezidentia themake thaj aver.
Ake olendar so šaj nadžangjen ko si pendžarutne Roma.
Taro 1956 dži ko 1961 berš prezidento an o Brazil sine o Auzelinjo Kubiček de Oliveira. Ov sine themakoro dat taro moderno Brazili. Bare literaturia so sine Roma si o britanco Džon Bajnjan, špansko poeto Antonio Mačado, o Rumunco Jon Budaj Deleanu.
I rusinka pendžardi sar bari matematičarka i Sofija Kovalevskaja, o dansko profesori August Krogh kote ko 1920 berš reslja nobelovo phursako tari medicina. Majpendžarutno slikari - umetniko Pablo Pikaso, o baro kompozitori Nikolo Paganini.
O majbaro džez gitaristi o Džango Rajhart.
I majbari čeren taro filmsko industria o Čarli Čaplin kaste sine le duj Oskaria. O bari britansko akteri Majkl Kejn, o amerikanco Jul Briner ko jekh o pendžarutne holivudsko akterke Ava Gardner i Natali Vud thaj i Rita Hejvort. O pendžarutno gitaristi tari rok grupa "Rolling Stones" o Roni Vud.
I lista taro pendžarde sportistia si lungo a majbut olendar fudbalsko majstoria. Odola si: Alesandro Nesta - Italia, Andrea Pirlo -Italia, Rikardo Kuarezma -Portugalia, Hose Antonio Reyes - Špania, Hesus Navas - Špania, Zlatan Ibrahimovič - Švedska, Pjer Andre Ainjak - Francia, Dani Guiza - Španija, George Hadži - Romania, Hristo Stoičkov - Bugarija, Aljoša Asanovič - Hrvatska, Erik Kantona - Britanija thaj panda but javer.
