Kana bijangjovel čhavo, majanglal čhinel pe u pupka. Majanglal ko šero čhiven leske loli šamia, palo odova loli pamučno vrvka phanel pe leske ko vast thaj kerel pe sar loli amajlia. Odova kerel pe sine sebepi so pakjana kaj
ka ovel le bahtalo čhavoripa thaj te arakhel pe taro urokia. Palo efta divesa sar so pakjala pe notirinel pe leske i jazia - sudbina prekal oleskere sudženice, thaj i daj na tromal te sovel odoja rakj, soske sar so pakjala pe " ma te zasovel e čhaveskiri baht". Premal i pakjiv o sudženice dživdinen ki avlin tari thagarutni Kasali, so "sivela gada baŠi la~hi baht". Barabutne e thagarutnaja ola kergje palata tari gigantsko čirikli Carani, so gutingja i jag ko sako 999 berša, thaj palo odova oj aplem bijangjovel taro praho sar o feniks. O tikno bebe valjani majanglal te pijel tari pe dajakiri desno čuči o thud, soske ki romani tradicia i desno rig si "bahtali rig".
But adetia isi e lhave sa dži ko puberteti, kana ko but ritualia dživdinel o čhavo sa dok na bajrol. O bijanipa e čhaveskoro o dat kerel le agjaar so džal ki pli familia em olencar lošarel. I purani tradicia vakerel kaj e romen sine len trin anava. O avgo džanel salde i daj, em del pe e čhaveske kana ka bijangjovel. Odova keren te šaj te hovaven e bilačhe duhon so olendar ka garavel pe o čačutno anav e čhaveskoro. O javer anav akharen le sare o paše so džanena le a o trinto si jali muslimansko, jali hristiansko thaj odova anav vakerel le salde kana kerel lafi e gadžencar - na Roma.
