Rigatar taro Indiakoro konsili baši kulturno konekcia Rastrašati Bavan sine organizirime trindivesenigi internacionalno konferencia anavkerdi sar " Indiologistika".
Oj ikergja pe taro 21 dži ko 23 novembro, kote than lelja thaj o Prezidenti tari India o rajo Pranab Mukerdži, kote kergja lafi anglal o naučnikia taro diferentno thema. Piro lafikeriba sine thaj e ministere avrutne bukjengje tari India i rajona Sušma Svaraj kote notiringja i barvali kulturakiri tradicia an i India thaj olakoro palunipa.
Piro lafikeriba sine naučnikia thaj eminetno profesoria tari Rusia, Amerika, Kina, Indonezia, Norveška thaj pendžarede naučnikia tari India.
Ki piri prezentacia o pendžardo indisko antropologo d-r Saša Bali vakergja baši i konekcia maškar o Roma thaj i India, manuša so si indiakere darhinalipaja thaj i indisko nomadsko jekhin Bandžari thaj o identilno momento maškar i romani thaj e indiakiri čhib.
Ko jekh o d-r Saša Bala dikhlja pe e prezidentea tari India thaj dengja oleske piro lil " O nomadia tari India" thaj aver romani literatura.
