O Šakir Pašov (1898-1981), avdive k but bukja si bisterd em sine jekh tar centralno figure ko romano aktivizmi an I Bugaria. Ov si fundavutno taro nekobor romane organizacie , patrin thaj Romano teatro. Oleskiri lungoberšeskiri politikani aktivnost majbut prekal komunizmi thaj o Romane niamia angja leske but diskriminacia thaj phanlipa. Kana ale ko legaripa o komunistia ko 1944 berš , ko 1947 berš ov sine avgo Rom so sine alusardo ko bugariakoro parlamenti. Nekobor berša palo odova ov sine došakerdo em bičhavdo sine ko loogori. O krisiba em došperaviba upral leste, palo but berša sine notirime sar hohavne taro desave manuša tari romani jekhin. Akaja tikni statia si ko kotorvale kotora thaj si fundirime ko naeditirime: Istoria e Romenge an I Bugaria thaj Europa.
O Šakir Mahmudov Pašov si biame ko 20 oktombr 1898 berš ki mahala ki Sofia, Oleskere jeria sine I Eda thaj Mahmud . Trujal s na sine ko dova vakti interes e romane čhaven te džan ki škola , o 9 beršengro Šakir mangel sine te džal ki škola. Kana agorkergja 8 klasi valjani sine te džal k zanati ko po dat em te prandinel pe . Numa ov manglja majodriga te educirinel pe em gelo ko Tehničko škola . Palo diplomiriba ov prandingja pe e Sabrijaja em sine akhardo ko askeri. Sine bičhavdo ko makedonsko fronti em sine politikane aktivno ko vakti e maripaske. Vakeren kaj odori angja decizia te irangja pe dživdo ka sikljol I Istoria e Roomengiri prekal generacie, odova hramovipa sine keriba odoja mangin, Odova nane akademsko trud, Trujal so lelja nesave akadamesko faktia odova sine hemim e tradicionalno thaj autbigrafsko elementencar.
