Kana biandilo angleder 33 berša , o Durmiš Kjazim thaj oleskere majpaše na džangje kaj ov palo odokhar berša šaj te ovel jekh baro sukcesialo talentirano arti - umetniko. Numa i jazia našti angleder te vakerel pe. Akana dživdinel thaj kerel buti an i Belgia, kote sikavel plo baro umetnikano talenti.
Biamo ko Skopje 1983 berš , palo agor tari maškarutni arteskiri škola "Lazar Ličenoski", klasa vajari, hramosarel pe an i Likovno akademia "Sv Kiril thaj Metodij" an o Skopje, kote startujnel pli akademsko edukacia ki klasa tario profesori Vasil Vasilev, majodorig te thavdel ki klasa taro pendžarutno lumiakoro vajari o profesori Žarko Baševski, kote o Durmišo formirinel pe ko jekh moderono vizuelno umetniko. O fakulteti agorkjerel le majuče ocenkaja 10.
Taro tegani pa naakari o Durmiš Kjazim notirinel salde sukcesia kote taro 1999 berš pa naakari sine le paše biš korkorutne umetnikane performansia taro Skopje, prekal i Tirana dži ko Brisel.
Oleskoro brendi si "Romano arti - umetnostPrekal oleskere artia dela gnd thaj polemika baši Romani kultura, tradicia, numa ko jekh thaj stereotipia, diskriminacia thaj aver.
Sar korkoro so vakerela mangelk ple bukjaja te del motivacia e avutne terne generacienge , te startujnen oleskere drumea - arti.
Ov momentalno kerel buti ko Brisel - Belgia , numa ko oleskere akrtiklia sako drom isi thaj o momenti kotar so avel oleskoro darho - Makedonia.
Ko plani thaj hazrkeriba si oleskiri avtni korkorutni izložba kote ka ovel elemntia taro Romano arti thaj elementia taro modernikano arti.
Oleskiri inspiracia sar so ov vakerela si oleskoro dživdipa. Odothar ikavel i energia thaj o takati bašo oleskere neve artiklia.
Dži akana kergja upreder 50 portretia thaj skulpture, thaj upreder 200 slike, kote majbut isi sar so ov notirinel odola si naturakere tromale stilia kompozicie, impresionizmi, nadrelizmi, kubizam thaj vizuelno video arti thaj performansi.
O Durmiš Kjazim si an o drumo te ovel o avutno moderno romano Salvador Dali, Pablo Pikaso, Klaudio Monet, Rembrant jali Francisko Goja.
