Sokolj Beganaj avgo Rom fakultetsko diplomaja an i Crna Gora

O Sokolj Beganaj si avgo Romb so diplomiringja thaj si le fakultetsko edukacia. Agorkergja Filozovsko fakulteti - anglosikljojbaskiri edukacia.

Ov si biamo an o Nikšić an i periferia e dizjake. Ov akcentirinel kote barilo ko ćorolipa. Ov plo čhavoripa nakhlja ki jekh tikni baraka kote sine le 10 džene familia.

Ki fundavno škola na sine zainteresirime te sikljol. I čhib but bilačhe kerel sine lafi. Ladžala sine sebepi so nadžanel sine i čhib thaj sar dživdinel sine, odoleske bešel sine ko agorutne klupe an o klasi. O tikne ocenke ki fundavno škola kergja odlično ocenke ki maškarutne škole, kote agorkerel sar majšukar siklo an o klasi.

 

Ko maškar vakti but terno prandinel pe. Paralelno kerela buti sar fizički bukjarno te šaj egzistirnel pe familiaja. Palo 17 berša palo agor tari maškarutni škola, šukrikeripaja taro proekti taro OBSE barabutne panda 25 aver Romencar astarel i šansa thaj džal ko fakulteti Filozovsko - otsek angloškolsko edukacia. Diferenciaja tari fundavno škola ki agorutno klupa, ko fakulteti džala 100% takatea te agorkerel o fakulteti.

Diplomaja taro fakulteti khuvel ko udar taro Govermento e Crna Gorake thaj khuvel ki buti an o Ministeriumi bašo manušikane thaj minjoritetengere niamia. Ov akale akte sikavgja egzamplo kote šaj kana manuš si le mangipa sako drom šaj te agorkerel i edukacia.

Pin It
FaLang translation system by Faboba

Mangava te vakerav

TV BTR NACIONAL

Momentalno Online

       Isi 548 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali