O Presidento e parlamentoskoro Talat Džaferi akcentiringja kaj i avgo rota taro presidenteskere alusariba majpakjavutne ka ovel ko 21 april, palo prolongiranje e anglune notirime 28 aprilo kana si Krečuno - Veligdeni. I dujto rota trubul te oven ko 5 maj.
O Džaferi vakergja kaj ko 8 fevruari si agorutno roko te hramosarel pe presidenteskere alusariba , faktea so trin komune si bizo dizjakoro šerutno , Novo Selo, sebepi ostavka thaj Debar em Ohrid sebepi so mule thaj paralelno e presidenteskere alosaribaja ka ikeren pe thaj alusariba ko akala komune bašo dizjakoro šerutno.
