O dizutne ka šaj te deklaririnen pe prekal etnikano preperutnipa an i statistikani operacia gejniba so ka implementirinel pe o aver berš so avela , havljaren o mediumia si konkluzia kaj o Zoran Zaev thej o Ali Ahmeti angje decizia akale but problematično pučibaske.
Aso o informacie taro mediumia o kanoni si an i finalno faza a aso o planirime udžarel pe akava kurko te nakhel an o govermenti.
Notirinel pe kaj o nevo gejniba e dizutnenge ka ovel paše 8.5 milionia eura.
Fakti si kaj o anglutne notacie tari rig e Direktoreske taro TOSRM o Simovski kaj šajdutne si ma te ovel i grafa - etnikano preperutnipa , a o potikne minjoritetia an i them uštile te notirinen kaj šaj te ovel bojkoti.
O agortuno sukcesiali statistikani operacia si kerdo an o 2002 berš, a ko 2011 berš palo politikane kontraverze thaj šubikerin sine čhinavde nekobor divesa anglal o agor.
