O Benjamin Ignac sine jekhutno Rom srednoškolci an o Čakovec thaj notiringja kaj ka čhivel agor ko nahaljoviba numa nakhavgja pe odoba an os asoitnipa so si anglal oleste.
Nevi generacia taro Roma na salde an i Hrvatska numa an i Europa si generacia terne, motivirime, politikane, tehnološki thaj kulturakere identifikujme sar an i fundavno agjaar an i maškarutni škola.
Maškar o terne thaj majeducirime prioriteto e Romenge keren kariera a na an i prandin vakerel o Benjamin Ignac (25), bukjarno an o Sektori vash Komunikacia an o ERRC an i Budimpešta sar internacionalno NGO.
O Bedjamin Ignac si biame an o Orehovica ko Megjumurije jekh vakti sine jekhutno Rom an i čakovsko gimnazia a ko trinto berš resla stipendija taro o Koledži taro USA thaj Norveškapalo odova lelja sasti stipendija pali geografia an o univiersiteto an i Oklahoma so kergja dodiplomsko studie.
Ov gelo majodorig an i pri edukacia an o Universiteto an o Uterecht a persi berš sine an o Kolorado ko proekti tari NASA. Oleskiri resarin avdive sio te del suproto e ternenge em te sikavel kaj šaj sa te resen odova so ka kamen te keren buti.
