Paše 700 naevidintirime persone an o personalno bijanipaskoro lil e neve kanonikane faisalea solea šak te implementirinen piro fundavno manuđikano niami, thaj te ovel olen akcepcia dži ko sastipa, buti, socialno, edukacia thaj sine potencirime taro Sekotoro baši koordinacia thaj tehnikano suporto taro Ministeriumi baši sociala ki finalno konferencija " Barabutne jekh a jekh niamenge e Romane čhavenge" ko pervazia e proektoske “Tamikeriba zoralo lokalno netvorko ki progresia e protektivake e niamenge e Romane čhavenge".
Aso o nevo kanoni e personenge bizo regulirimo civilno statusi šaj o UBKRM te kerel o proceso majodorig tari tranformacia ko nasavkteskoro elektronsko registririba an o regular personalno lil bijanipaske.
Taro 10 juni akava berš thaj ko avutne 30 divesa ka šaj o persone so nane evidentrime te džan ki majpaše personalno (matično) ofisote pheren e pučibaskoro lil te šaj khuven ko nasavakteskiri elektronsko registar tabela.
Akava si rezultatia taro proekto so sine implementirime taro šerutno KMOP tari grcia thaj o RRC taro Skopje, kote piro pherdo angažmano dengja thaj o ZRDICM taro Skopje thaj so SP BTR produkcia so kergje jekh dokumentarco akale tematikaja.
O proekti so sine implementirime ko nakhle 18 masekoja si dizajnirime te del suporto e lokalno mehanizmonge ki koordinacia thaj struktura so si len rolja te keren majdur integracia e Romenge prekal progresia ko kapacitetia an i funkcionalno implementacia ki inicijativa e protektivake ko čhave Roma so si aso nacionalno thaj EU politike so targetirinen i integracia e romane jekhinake an i Republika Utarali Makedonia.
