O italiansko ministeri andrune bukjenge o Mateo Salvini kamel te gejnel e Sinti thaj o Roma so dživdinena ki italia. O vicepremieri thaj šefi tari Lega akcentiringja liloro dži ko prefekture te šaj resel pe ilustracia o numero taro nalegalno mahale so ka trubul te phanljon. I resarin "iraniba o kanonipa" vakergja ko paraštuj o Salvini.
Paše 180.000 Roma thaj Sintia ki Italia , kotar so 26.000 olendar si ko čorole kampia- Kana lelja i funkcia persi berš o nacionalno orientirime populistikano ministeri andrune bukjengjhe sine kritizirime sebepi akaja statistikani operacia 'registracia e romane minjoritetonge.
Ko jekh o lideri tari kesnofobično lega, ko jekh diskutirinel sine baši paldiba e stranconge bizo validno statusi bašo dživdipa ki odoja teritoria.
O salvini vakergja kaj ka phanel sa o nalegalno romane kampia dži ko agor e pandžberšengoro kanonikane dendo periodo.
Ko juli 2018 berš ko Rim sine evakuirime kampo kote sine nekobot šel Roma . Ko Rim dživdinen 8000 Roma.
beršencar i diz kerel te minimizirinel akaja forma akomodacia thaj te del pe lenge e romane familienge aver forme tari akomodacia.
