O presidento tari Slovakia i Zuzana Čaputova akcentiringja kaj o viktimiriba upral o roma ko Dujto lumiakoro mariba na tromal te ovel bisterdo , numa te ačhol ki memoria soske akana si o vakti kana i natolerancia uli sar politikano instrumento.
–O Holokausto upral o Roma na tromal te ovel bisterdo . I historia e manušengiri sikavgja amen kaj i natolerancia kerel bilačhipa e manušipaske - vakergja i Čapurova.
Ki Slovakia sine milja viktimia , akcentiringja o presidento ko dive kana notirinel pe sine o dive taro Romano Holokausto so sine notirime ko starti taro masek Avgust.
