O rezultatia tari Themakiri Alusaribaskiri Komisia editiringje avdive ko piro veb sajti sikavgje paše 100 procentoa kerde hangibaskere listia o kandidati taro VMRO-DPMNE Gordana Siljanovska Davkova reslja majbut hangia ko eratutne presidenteskere alusariba, 362.682 jali (40,08 procentoa), duj droma majbuteder taro Stevo Pendarovski taro SDSM kote reslja 180.306 jali 19,93% hangia, ko trinto than si Bujar Osmani kote si le 120.903 jali 13,36% hangia. Sar iznennaduvanje ki olitikani scena locirinena la ko rezultatia tari I partia ZNAM, kote o kandidati Maksim Dimitrievski reslja 83.787 hangia (9,26%), em te sine le asavko sukcesi em ko parlamentarno alusariba – zorale ka etablirinel pe ki politikani scena.
Sar pesimistikano rezultati si tari I partia Levica (41.172 jali 4,55 procentoa), so si sar notacia kaj o dizutne sasti revizia e džiakanutne politikenge thaj rodiba neve drumia.
But kmentaria iklile sebepi rezultatia tari partia e kandidateske taro GROM o Stevče Jakimovski, kote reslja salde 8.103 hangia (0,90%), trujal so anglutne reslja te khedel prekal 10.000 signature baši kandidatrura.
