Italiansko tinejdžeri kontriringja e fašistenge kana kergje protesto mujal o Roma

Jekh 15 beršengoro terno italijanco kontriringja e esktremno nacistonge ko vakti taro protestoa thaj reslja o simpatie an i sasti Italia.

O terno anavea Simeone sine snimime an o dujtodi sar si tari rig e nacionalno minjoritetonge ko vakti taro protestoa taro nacistoa an o Rim.

Ola kergje protestoa sebepi so trubul sine te anen 70 Romen ko centro an o odova regiono. Ko vakti kana jekh taro lideria neofašistikane partiake“CasaPound” anglal o žurnalistoa dela sine intervju kaj o lokalno dizutne si mujal o Roma , o Simeone vazdingja piro vast yar intervencia thaj vakergja anglal o kamere: " Me tuja na akceptirinav odova"

– Tumen so keren akate ko Tore Mauri si salde odova so kjarinen ki holi taro akala lokalno manuša so si mle komšie. Tumen olengiri holi keren tumenge makbaro rejtingo te kheden vote thaj tumaro interes. Te khuvgja desavo Rom ko miro kher thaj čorela, tumen savore ka ušten an o protestoa mujal sa o Roma. Numa te khuvgja an o miro kher desavo italianco em čorel man, tumen ni jekh nane te ušten ko protestoa thaj ka trainen.
Na kamav odova kana keren atakoa mujal o minjoritetoa.

I video snimka taro Simeone uli virtuelno hiti nekobor saatoa thaj editiringje la sa o italiansko tha nekobor lumiakere mediumia. Nesave gazete profiliringje le sar "nevo antifašistengoro heroi"

Ko video taro protestoa so havlajrgja ole i “La Repubblica”, o demonstrantoa sikaven sar uštaven o hajbe so trubul te del pe e Romenge thaj šunenpe akharina taro protestantoa: "Trubul te meren tari bokh"

Link: http://rominfomedia.rs/italija-tinejdzer-se-suprotstavio-fasistima-koji-su-protestvovali-protiv-rama-video/?fbclid=IwAR1UGKHsdV3ReWHoHr7yUJZLl7YFj8UhLoY7LVNbAiq1fnm5f208clc4gUA
You tube:

Pin It
FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali