An i Ungaria an o 21 maj si havljarde kaj ka kerel protesto taro ekstremno ultranacionalistoa tari organizacia taro Betjar Sereg.
Ola si pendžarde prekal piri anti Romani retorika thaj natolerancija mujal i Romani nacia an i Ungaria.
Ola si panda pendžarutne prekal olengere daravutne maršia so keren terori upral normalno populacia konektiribaja saste familie thaj čhaven. Akaja organizacia angleder sine pendžardi sar "Ungariakiri Garda" sar paramilitarno organizacia so akana si kanonea nalegalno.
Ola akava marši ka istemalkeren te plasirinen pire klasifikacie thaj retorike kaj o "Roma si Kriminalcoa" thaj "O Roma keren teroro" thaj aver.
Asavko khanig an i Ungaria nane numa isi "individualno protagonistoa so keren kriminai thaj nane nisavi konekcia an i generalizacia saste naciake.
Trujal sa trubul te notirina kaj an i Ungaria si kanoni , thaj Krisoa em institucie so trubul te fauisalkeren asavke aktoa a odova si i policia. Odova na tromal te kerel pe prekal nesave paramilitarno grupacie jali partisko policie thaj aver.
Odoleske rodel pe tari Ungaria em o Govermento te keren protektiva pire dizutnenge taro akala ekstremno ultranacionalistikane paramilitarno garde so peraven e ungariakoro kanoni thaj sistemo em sa e dizutnen andre an i them.
I Internacionalno Romani Unia - IRU thaj olakoro presidento o Zoran Dimov bičhavel apelo thaj reakcia dži ki Ungariakoro Govermento te kerel sa o kanonikane obligacie te kerel protektiva sa e dizutnenge an i them konekciajaj thaj e Romane populacia an i Ungaria.
