Ko starti taro 2015 berš masek mart o ZRDICM bičhavgja jekh akharin sa e pjure Romenge te anen dokumentacia a si bijame dži ko 9 Maj 1945 berš thaj majphure. Akala dokumentia te šaj te aplicirinen pe em te bičhaven pe ki Germania . Berlin anglal odova penzisko fondi te šaj te len eventualno desavi reparacia -penzia bašo olengoro maltretiriba thaj dar ko vakti taro Dujto Lumiakoro Mariba.
Ko odova germaniakoro penziakoro fondi trubul sine te anen decizia ka den li desave love sar masekoskiri penzia odole phure Romenge sa dži kote si dživde te sikavgja pe kaj ko vakti tari Fašistia ola sine telal dar, na sine tromale te phiren, thaj na sine lenge dendo te keren buti jali hajbe em mora sine korkoro te snadžinen pe.
Ola sebepi akava limitirimo aktiviteto trubul sine korkoro te roden peske buti te šaj te parvaren pe familija a ko jekh sine chidime - izolirime ki rig kote so dživdinen sine telal nesavi limitirimi - organičeno kontrola bizo šansa te ove slobodno te phiren peske em te funkcionirinen.
Odoleske o ZDRICM sat NGO dengja suporto te kerel akava aktiviteto asistencia ko olengere aplikacie. odoleske sine angažirime em jekh advokati tari germania te šaj arakhel olemgere interesia ko Penziakoro fondi an o Berlin.
Trujal i dokumentacia (kopi tari krštenica, na phureder taro 6 masekoa - fakti kaj si panda dživde thaj hramojmi personalno notacia ) thaj sebepi translacia ki germansko čhib te bičhaven pe ko penzisko fondi so sine pukjime 5 eura so o phure Roma pukjingje taro piro čorolo budžeto , a palo odova desave "manipulatoria" Roma te vakeren kaj o Zoran Dimov odola love "halja" em leljalen peske!!!
Nakhle paše 4 berša kana o penzisko fondi dengje info kaj sa akala aplikacie si bizi funda -osnova soske ki Makedonia em ki Srbia ko odola thana kaj sine o Roma na sine nisavo geto thaj na sine telal ospervacia thaj čhivde zorea te keren buti.
Ko jekh o Fondi vakerel kaj o historičaria vakeren o Roma dživdinen sine ko ple mahale tromale em slobodno.
Odothar ikljola kaj o RDICM em o Zoran Dimov akava kotor kergja le majkorektno thaj buteder odolestar a odola 5 eura dende taro phure Roma si bizi funda thaj si but teluni provokacia taro disave romane manipulatoria.
Dujto buto sa akala aplikacie e phure Romencar so bičhavde em resle ko Fondi o advokati anglal o krisi braninel sine o interesia e Roimengere numa o germansko kriso palem agja asavki decizia sar o germansko penzisko fondi.
Ama o Zoran Dimov vakerel kaj nane te ačhovel ko akava numa ka kerel sa o phure Roma te resen dži ko ple love.
Odoleske ka organizirinel pe ko IRU Parlamento ko Juni 27 -30 em Naučno simpoziumi kaskoro si ov da presidentop em ka kerel pe diskusia an i tema "Situacia e Romencar ko vakti taro Dujto lumiakoro mariba an o Makedoia em Balkani em o Romane geto"
Sa o neve inmformacie taro pendžarde historičaria e Romane historiake ka legarel len anglal o Germansko krisi em berlinsko penzisko fondi sar faktia čačipaske .
Akala phure Roma trubul te del pe lenge respekto em te džanel pe o čačipa save muke lende sine len ko vakti taro Fašizmo.
