An o Prilep prekal aver nacionalitetoa si em Roma so vekoncar si odothe.
Ko akana sig vakti kerdi visita ko mahale kote si o Roma an i Trizla thaj Tri Bagrema aso olengere problemenge ola vakeren kaj trubul lenge lačhi infrastruktura.
Sar so akcentirinen ola si interesno salde kana is alusariba thaj palal odova si bisterde sakonestar.
Ola vakeren kaj nane but lačheste i infrastrukturno netvorko sar so si pani thaj kanalizacia thaj lačhe droma.
Nane asfalto ko droma dži ko olengere khera thaj kana si bare biršima isi bare panja an o olengere khera.
O čhave kana džan ki škola ola džana prekal ko bare čika em panja.
Olengoro apelo dži ki diz si na salde kana isi alusariba ola te aven te dikhen len so trubul em agjaar palo odova sa ačhola ko dende lafia.
Vakeren kaj asavke momentia si agor majbut thaj trubul te keren e panjeskiri infrastruktura , droma thaj ko jekh i legalizacia olengere kherenge.
