E dizjakoro šerutno tari diz Beograd o Zoran Radojčić vakerel kaj i diz mangela te faisalkerel o problemia so isi e Romen thaj te sikaven kaj olengiri diz seriozno kerela buti.
O radojčić ko vakti e konferenciake " Dekada inkluzia e Romenge: darhinalipa reslo džanlipa, majšukar egzamplia thaj so majodoriga , akcentirinela kaj o Roma ko Beograd avile ko 16 veko thaj akana olengoro numero si upreder 40.000 Roma thaj o barabutno numero taro naformalen mahale ki Srbia so si o numero 600, olendar si 100 ko Beograd.
Ko jekh ov dophergja kaj taro 2014 berš faisalkergje o khereskoro pučiba bašo 266 Romane familie thaj ka i diz an i kolaboracia e Germansko agenciake kolaboraciake (GIZ) kergja majlačhe šartia te faisalkerel o problemia e panjea ko duj romane mahale.
