An i diz Sredets ki Bugaria beršencar si aktivno i protestansko khangiri so e minjoritetonge dela suporto an i majlokhi integracia ko sasoitnipa. I khangiri si aktivno thasj ki diz kote i diz na del but love, a o NGO sektori si le hari love ola keren suporto.
Ki diz Serdets ko purabpaščim e Bugariake paše 20 Roma akala divesa kergje buti ki rekonstrukcia e Čhavorikane hospitaleske odolea so kingje materiali taro pire love. Ola si kotor tari protestansko khangiri tari akaja diz. O Jordan Atanasov pastoro akale khangirake vakerel kotar avili akaja idea.
-Ko agor e masekoske maj miri amalin medicinsko personalo akhargja man kaj rodela man o doktori te kerel mancar lafi. Ov vakergja dali šaj arakhav teren manušen so ka lepinen pločke ko čhavoriko hospitalo ko hospitaleskere apartamnoa.
Numa o hospitalo saste sine ko but bulačhi situacia pa angjem decizia te akahara panda aver roma em džuvlja te keren buti te šaj kera sasti rekonstrukcia - vakerel o pastoro Atanasov.
