Keribaja normalno rateskoro testi jekh dive ka šaj del informacie ki konekcia amare meribaja. Ki akana sig kerdi studia timo taro europakere ekspertoa vakeren kaj desave biomarkeriav ko manušeskiri rat ka šaj den informacie panda kobor vakti šaj te dživdinel jekh persona.
Ola analiziringje informacie taro egzamploa taro rat taro 44 168 manuša so si ko baripa taro 18 dži ko 109 berša , kote so 5512 mule ko periodo taro paše 17 berša.
Palo dikhiba taro 226 biomarkeria ko egzamploa , o ekspertia sikavgje 14 so šaj te dikhel pe dali ov ka merel ko avutne 5 jali 10 berša.
Te šaj testirinel pe akaja teoria odola analizirime informacie lende taro rat taro 7603 Fincia ko 1997 berš em sitemalkeribaja o 14 biomarkeria kergje zori šaj li te dikhen kobor olendar ka meren ko avutne 5 dži ko 10 berša ko periodi kana sine lende lendar e rateskere analize.
Olengere prognoze sine čačutne ko paše 83% taro aktia – em čače sine odokhar precizno so ni ola da na džangje kaj ka ikljon odokhare precizno.
Isi panda but buti te šak alača amačozer oven ki praksa , thaj o naučnikia vakerena lak alačea šaj te lačharel pe e sastipaskiri situacia, dejbaja suporto e doktorenge te idientifikujnen e nariziko pacientia angleder upral olende te počminen desavo tretmano.
