O Mirsat Muhedinov tari romani mahala Bair si bitolčanco so angleder nekobor masekoa počmingja te užarel o magistralno drumo so sine keoborberšengoro problemi numero 1 ki Bitola thaj o vordona so nakhen odothare.
I hoš si but lačhi kana kere buti e autnipaske taro tire čhave e familia a plus kere šukar savorenge e trujalipaske.
Sako ilustracia sukcesiale bukjake sai thaj miri baht so kamav korkoro te falinava man.
Odolea so uđarel o magistralno drumo sum angažirime paše 7 saatia ko dive em isi but buti.
Sebepi so odova drumo si magistralno thaj si but vordona thaj bari frekfencia miri misia si te kerel ma te ovel desave bibahtale situacie o drom te ovel užardo thaj sigurno e manušenge thaj e vordonenge.
Sikavav bari šukrikerin dži ki diz em i JP Komunalec so dengje man šansa ko jekh humano thaj manušikano forma te šaj te dav sa mandar te ovel savorenge lačhe" vakerel ko agor o Muhedinov.
