O terne Roma , so si ko maškarutne škole thaj studentia taro Kumanovo ka iranen o narativia , ka educirinen pe thaj ka presentirinen o problemia soela arakhel pe i romani jekhin kana rodena sastipaskiri protektiva ko pervazia e proektoske „ Trampa ko narativia ko Roma ko sastipaskere institucie” – “Miro sastipe si miro niami” so implementirinela le o Nacionalno Romaneo Centro – NRC thaj I Asociacia “ Simbiozis 12!.
Prekal kreativno praktike, hramosariba žurnalistikane storie, kreacia ko videa o teren sikavena em rodena te keren pe o fundavutno manušikano niami sastipaskiri protektiva , potenciribaja kaj trubul te iranel pe I koorelacia so isi ko kotor taro doktoria , bukjarne ko sastipaskere institucie mujal I romani populacia , te šaj nakahven pe o stigma so panda ko 21 veko isi len premal I romani populacia.
O proekti si startujngja pire implementaciaja ko noemvri persi berš em si dži ko noemvri akaba berš si suportime tari Fondacia Phravdo sasoitnipa – Makedonia.
