Atakoa, diskriminacia, šikaniriba, daravina kaj ka palden len taro them – but terne Roma em Sinti ki Germania dživdinen telal baro psihološko stres. Te ikljol pe odolea ko agor čače nane lokheste.
„But terne Roma garaven piro identiteti tari dar tari diskriminacia telal so si čhivde” vakerel o Merdjan Jakupov izvršno direktori ki organizacia e Terne Romenge “Amaro Drom” ko Berlin.
I percepcija so majbaro kotor ko sasoitnipa isi e Romenge nane prosto te trampinel pe . I diskriminacia so ko pobuter džene si hor darhinalime andre , a desave mediumia den panda majbari motivacia - džanle jail na. “Kana ovel khanig negativno, savore aven em keren raporto odole informaciatar”
Palo odova ikljola bari dar thaj frustracia. O nasiguritetno avutnipa si problem so isi em e korkoro ternengiri organizacia “Amaro drom”. Dži akana o proekti sine finansirime lovencar tari programa e germansko govermenteske “Te dživdinel I demokratia”.
Ama o manuša tari I Asociacia dikhena kaj o budžeto e lovencar bapi olende si limitirime. Odoleske ola čhinavgje nekobor bukjarne thana. Ko jekh sar konsekvenca si kaj asavke konferencie ko avutnipa na ka šaj te organizirinen pe , ki asavki forma.
