Ki pli vakerin bašo darhinalipa, historia, kultura em tradicia e Romenge sar nacia , o pendžardo profesoro em eksperto e Romane tradiciake em kulturake o Dr Rajko Đurić taro Beograd kop lo vakeriba irngja pe ki tema “Kotar avena o Roma,” kote upreder pandž decenie kerel buti em rodaripa akale artikloske.
Ov dži kana isi le editirime but lila em rodaripa konekcijaja kotar aven o Roma.
Ov ko strati chidela o teorie kaj o Roma avena taro Izrael.
“Odova si jekh bari manipulacia em hohavin” vakerel o Đurić. O Roma em dokumentirano em naučno si sikavde kaj aven tari India em trubul te agorkeren sa odola manipulacie. Odoleske isi em dokumentia em faktia.
Ki pli lungo historia šaj te vakerel pe kaj i Romani nacia si jekh taro majphureder nacie em nane dilema kotar ola avena.
O rodaripa trubul te legaren pe ko aver segmentia em ko periodia tari migracia, soske migriringje trujal so odova da džanela pe.
Majbaro problemo si e Romane naciake te faktoririnel o numero taro viktimia ko Dujto Lumiakoro Maripa em o Holokausto , O numeria manipulirinen pe taro 250.000 dži ko 500.000 Roma so sine viktimia ko Holokausto.
„Numa miri tromali percepcia si kaj odova numero so but pobaro em odothe šaj isi maškar 1 milioni em 250 mile Roma“, akcentirinela o profesori Rajko Đurić ko plo notiriba.
