I historia e Romengiri si barvali thaj lungo. Olengere darhinalipaske em migracia o Romane ekspertoa kergje baro rodaripoa a fakti si kaj o Roma darhinalipaja si tari Indioa em isi pherdo dokumentoa. Olengoro egzodusi počmingja ko vakti taro atakoa taro Sultan Mahmud Gazni angleder paše 1000 berša (paše ko 1018 berš)
Odova akcentiringja o pendžardo profesori em eksperto e romane historijake o Dragoljub Acković.
Trujal o aver o Acković potenciringja kaj ko aver periodia so si ki konekcia e Romane historiaja fakti si kaj ko vakti taro plo trinto dromaripa taro moreplovco o kristofor Kolumbo so sine kerdo ano periodo 1498–1500 berš pire ekipaže sine le em štar Roma (duj murša em duj džuvlja). Odova sine notirime o periodi kana o avgo Roma avile ki latinoamerikansko teritoria.
Prekal o notacie taro profesori o Acković avdive ko Brasil isi upreder 1 milioni Roma. Baro numero Roma sisi em ko aver latinoamerikansko thema numa o numero e Romencar ko Brasil premal o Acković si čače i impozantno.
Jekh taro interesantno momentoa si kaj ko 1955 berš ki funkcia Presidento e Brasileske sine alusardo o Juscelino Kubitschek so primal oleskere darhie si čehiakoro emigarnto a primal I daj si Rom.
